• Simko Ahmed

ره‌نگه‌کانی به‌هه‌شت


ره‌نگه‌کانی به‌هه‌شت

ئازاری خۆشه‌ویستی بوو

فڵچه‌ی تابلۆی هه‌ڵگرت به‌ من

خۆشه‌ویستی چاوی تۆ بوو

به‌رده‌وامی ناسان به‌ من

ماچی ته‌ڕی لێوی تۆ بوو

به‌هه‌شت وره‌نگه‌کانی

به‌هار و مه‌له‌کانی

ناسان به‌ من

تۆی من و منی تۆ بوو

پاڵه‌وانی ئه‌و داستانه‌ی

بێ سه‌ره‌تا وکۆتایی بوو

ئێستاش پووشی یه‌که‌م ماچت

له‌سه‌ر لێوم هێلانه‌یه‌

جێگای ده‌ستت له‌سه‌ر سنگم

تابلۆیه‌کی ره‌نگاڵه‌یه‌

تابلۆیه‌ك که‌ سه‌رتاپای

ره‌نگه‌کانی به‌هه‌شته‌و

نرخه‌که‌شی بێ پاره‌یه‌

ده‌ پێم بڵێ ڤینۆسه‌که‌م

بۆ جێت هێشتم

له‌کاتێکا مۆمی دڵم

بێ ئاگر و په‌روانه‌یه



سمکۆ ئه‌حمه‌د

پاییزی 2008-11-27

تۆکیۆ

1 view