• Simko Ahmed

دایکم


دایە گیان

دە ساڵە وونی

دەساڵە بۆنم نەکردووی

٤٠ بەهارە هێندەی بەچکە

چۆلەکەیەکی تینوو لە هێلانەکەی

تامەزرۆی گەڕانەوەتم

چاوەڕێی

تەواوبوونی چیرۆکەکانتم

وەرەوە با پێکەوە

ئەلبومی وێنەکان هەڵدەینەوە

باسی کانی حەیاتم بۆ بکەرەوە

چیرۆکی وورچەکەی ئەسحاب

و ترش دزینی مناڵیتم بۆ بکە

دایە وەرەوە

بیری بۆنی ئامێزت دەکەم

بیری مێخەك و ڕەزیانەو

زەردەخەنەکەت دەکەم

دایە گیان وا دە ساڵە

زۆر بێ تۆم

پێنجوێنیش هەوالت دەپرسێ

وا ٤٠ وەرزە بێ نێرگزم

بەسە لەو خەوە هەستە و وەرەوە

زەمیلە پڕ میوەو سەوزەکەت

هەر وەکو خۆی ماوە چاوەڕێی

دەستە میهرەبانەکەت دەکەن

دەوەرەوە دایە

دار هەنارەکانیش هەواڵت دەپرسن

سنەوبەرەکەش وەکو من چاوەڕێتە

وەرەوە با پێکەوە ئاوی نازنازەکان بەین

بە دەم شیعرێکی عیرفانەوە

لەژێر دار هەنجیرەکەت

دیژلەمەیەك بخۆینەوە

ئەوجا گۆرانی

دەردت لە من ڕەش ئەسمەرم

بۆ بخە سەر

دەتوخوا وەرەوەدایە گیان

با وەك جاران جێگاکەی سەربان داخەینەوەو

ئەستێرەکان ببژیرین

تا خەو دەماباتەوە

دەوەرەوە

3 views