بۆ کچە گەریلا

بۆ کچە گەریلا

ئەی ئەو کچانەی

خەونەکانتان لە پرچەکانتان

درێژترە

ئەی ئەوانەی ئاسکەکانی قەندیل

هێندەی بەهار عاشقتانە

ئێوە بۆنی نێرگتان گرتووە

هەڵۆ دڵتانی بردووە

ئیوە چنگێکتان لەسەر بەفرو

نینۆکتان لەسەر میل نووستووە

کە یەکێکتان لێ دەکوژرێ

دڵی نێرگز بۆتان دەگری

گوڵاڵە سوور دەپۆشێت و

قەندیل چاوتان لێ دائەگرێ

چەند جێی داخە ..

وائەمجارەش پەڕەیەکی ڕەشی مێژووی عوسمان

وا بە دەستی باشوورەوە

چاپتەرێکی دی بۆ زیاد دەبێ

ئێمەش ڕۆژێ وەك تۆ کەو بووین

عاشقی شینایی ئاسمان و

هاوڕێی کێو بووین

سەد مەخابن زۆر لە مێژە

دەستەمۆ بووین

ئیستا نیشتیمانمان قەفەزێکەو

خۆشمان دەوێ

هیچمان لە ئێوە ناچێ

ڕەنگمان نەبێ

فێر کراوین دانیش ڕۆکەین

تا ڕۆژێك بێت

ئێوەش وەکو خۆمان

دەستەمۆکەین

سمکۆ لەندەن ۲٠۱۷