• Simko Ahmed

ئەز دچم

بێنە ماچ کچم


دەمت بێنە نەبا ئەمە دوا ماچمان بێ

دایکت دەڕوا مێژوو بکڕێ

گەر ڕۆژێ گەورەبووی

وێنەی منت لە گۆڤارێکی تورکیدا دی

نەکەی بڕوا بکەی بەو مانشێتەی دەڵێ

تیرۆریستێكی ئەتایست ئەمڕۆ کوژرا

مێژووی ڕاستی پشتی دایکتە

خەتێکی چەقۆی عوسمانەو

یەکیکی دی سەدامەو وئەوی تریشیان

ترامپ و نازانم کێ و کێ و ئۆردوغانە


بێنە کچم دەمت بێتە ئەز دچم

نەبا ئەمە دوا دیدار بێ


من دەڕۆم هەتاو بکڕم

گەر ئەم بەهارەش گوڵی نەگرت

دوو دڵ نەبی

بەهارێك دێت نەك لە خونچە وە گوڵ

لە خونچەوە

چۆلەکەکانی بەهەشت سەریان هەڵدێ

ئەو بەهارەش ئەبەدیەو هەرگیز نامرێ


بێنە کچم دەمت بێتە

نەکا ماچی ئایندەم

لە دەمتا خۆڵەمێش بێت


دەمت بێتە کیژۆڵەکەم

کات درەنگە دەبێ بڕۆم


سمکۆ ئەحمەد

۲٠۱۹


0 views